/1/
IULII CAESARIS
VANINI
AMPHITHEATRUM
PROVIDENTIAE AETERNAE
ADVERSUS VETERES
PHILOSOPHOS
EXERCITATIO PRIMA
Probat Deum esse.
A motu, scribit Averroës, accipit
Philosophus cognitionem hanc:
Deus est. Perabsurde tamen, non
enim primi mobilis motor
Deus est. Siquidem primum movens finitum
est essentiae circumscriptione et finitum
potentia; comprehendi namque potest
intellectione ubi sit, atque ubi non sit. Praeterea,
ex eiusdem Averrois opinione, in tertio
De anima, ipsa Intelligentia, cuius vi primum
rotatur coelum, habet aliquid simile
materiae et aliquid simile formae. Deus autem
simplex est, ut idem testatur ibi, comm. 5.,